taounatecity



انضم إلى المنتدى ، فالأمر سريع وسهل

taounatecity

taounatecity

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
taounatecity

اول منتدى اخباري سياسي اقتصادي اجتماعي ثقافي جامع بتاونات


2 مشترك

    كل ماسكات التبيض للبشره والجسم

    shery adel
    shery adel
    الاجتهاد و التفاني.
    الاجتهاد و التفاني.


    عدد المساهمات : 14
    نقاط : 42
    تاريخ التسجيل : 04/03/2013

     كل ماسكات التبيض للبشره والجسم Empty كل ماسكات التبيض للبشره والجسم

    مُساهمة  shery adel السبت مارس 30, 2013 3:27 am

    كل ماسكات التبيض للبشره والجسم
    طبعا كلنا نفسنا بشرتنا تبيض وتنعم وبطريقة طبيعية وزى ما قلت ياريت التقشير كل اسبوع او عشرة ايام علشان البشرة تستفاد بالماسك ومعلش ماسكات التبيض بتاخد وقت علشان تجيب نتيجة لان كل الطبيعى كدة وبتفضل البشرة جميلة مش زى الكريمات اللى مفعولها بيروح بعد ما نسيبها
    http://mamahawaa.com/img/big/1769285148124891.jpg
    اول ماسك :
    معلقة دقيق ابيض ومعلقة زيت زيتون ومعلقة لبن ونص لمونة ويتم فردة على الوجة والرقبة لمدة 20 دقيقة وبعدين نشطفة بالماء الدافى ثم البارد

    الماسك الثانى
    برغم انة بسيط جدا الا انة نتيجتة تحفة جدا معلقتين لبن بودرة اى نوع ومعلقتين لبن سايل نخلطهم كويس ونفردة على الوجة والرقبة نصف ساعة ونغسلة بالماء الافى ثم البارد

    الماسك الثالت دة تحفة يا جماعة نصف علبة زبادى بايت وندوب فية قرص اسبرين بعد طحنة الماسك دة بيستخدم فى اكبر مراكز التجميل نفردة نصف ساعة ونشطفة بنفس الطرق السابقة

    الماسك الرابع
    2 معلقة بودرة جونسون لاطفال ومعلقة مية ورد ومعلقة لبن الماسك دة غير انة بيبيض كمان بينور وينعم وبيدى ريحة تحفة ونفردة نصف ساعة ونشطفة بنفس الطريقة

    الماسك الخامس 1 بطاطس مسلوقة بقشرها ونص كوب لبن ونضربهم كويس فى الخلاط ويفرد على الوجة بالاضافة لمنطقة تحت العين تحفة بيبيضها والباقى بيتحط فى التلاجة عادى ويشطف بنفس الطريقة

    الماسك السادس نص خيارة مبشورة وناخد عصيرها ونص عصير لمونة و2 معلقة دقيق ابيض ويفرد ويشطف بنفس الطريقة

    الماسك السابع معلقة نشا ومعلقة زبادى بايت ونص عصير لمونة ونص معلقة زيت زيتون ونحطة 20 دقيقة ونشطفة بنفس الطريقة

    الماسك الثامن معلقة دقيق ومعلقة نشا ومعلقة مية ورد ومعلقة زيت زيتون ومعلقة لبن ونص لمونة الماسك دة كمان تحفة للجسم واى منطقة غامقة نصف ساعة ونشطفة بنفس الطريقة

    الماسك التاسع خيارة ومعلقتين نشا ونص كوب مية ورد ونضربة فى الخلاط ونفردة على الوجة والرقبة نصف ساعة ونشطفة بنفس الطريقة

    الماسك العاشر 3ملاعق لوز مطحون نجيب اللوز وننقعة لغاية ماالقشرة تتحاش ونسيبة ينشف وبعدين نطحنة ونعجنة بلبن ونحطة نصف ساعة وبعدين نشطفة بنفس الطريقة ياسلام على الماسك دة اوعى وسع تحفة تحفة تحفة بيستخدمة اجمل نجوم السينما الامريكية

    الماسك الحادي عشر معلقة بودرة حسن سيدنا يوسف ومعلقة لبن ونحطة نصف ساعة ونشطفة بنفس الطريقة البودرة دى بتتباع عند العطارين الكبار زى حراز البودرة دى جميلة يا جماعة

    الماسك الثاني عشر ماسك سايل بشر 3 خيارات وعصرهم وتصفية العصير ونحطة فى زجاجة وكل يوم بالليل ندهن الوجة بقطنة ونشطفة الصبح دة بقى الماسك بتاعى من سنتين كلة بيقولى بتستخدمى اية على فكرة بيقعد فى التلاجة عادى ونرجة قبل كل استعمال 00000
    بجد الماسكات دى لها فوايد كثيرة واى سؤال انا حاضرة
     كل ماسكات التبيض للبشره والجسم 1769285148124891
    مدير المنتدى.
    مدير المنتدى.
    وسام التفاني.


    عدد المساهمات : 1657
    نقاط : 3890
    تاريخ التسجيل : 28/02/2009
    العمر : 48

     كل ماسكات التبيض للبشره والجسم Empty رد: كل ماسكات التبيض للبشره والجسم

    مُساهمة  مدير المنتدى. السبت مارس 30, 2013 4:42 pm

    شكرا للعضو الجديد. على المساهمة الجيدة. مزيدا من المشاركات ان شاء الله. لقد نقلنا الموضوع. الى المنتدى الخاص بالمراة والطفل والاسرة. وليس منندى تاونات المحلي. وشكرا

      الوقت/التاريخ الآن هو الخميس مارس 28, 2024 5:59 pm